香港電台昨日舉行「2022節目巡禮記者會」,創作總監馬浚偉應邀出席,並獲大會安排與助理助理廣播處長(電視及機構業務)陳俊樂、廣播處長李百全及副廣播處長施金獎企在前排,並肩合照。同場還有任達華(華哥)、溫碧霞(Irene)、劉心悠、袁富華、鄭融、方力申、黃劍文、炎明熹、姚焯菲等等。
同場加映:【叱咤後台訪問】Anson Lo@MIRROR直言被林海峰嚇親 張敬軒票數輸姜濤心服口服
港台以「獅子山下新經典 勇於改變 敢於創新」作為口號,將在港台電視31台推出不同話題的新節目,當中包括由馬浚偉精心製作的《獅子山下好音樂》、初中生常識問答比賽《知情識趣31》、電視電影《我們的開學禮》、劇集《我們的畢業禮》,以及粵曲節目《演藝承傳林家聲》等等。
知情識趣31|馬浚偉搞名人賽想搵安仔Sammi 玩兒時遊戲:冇抄《魷魚遊戲》【下一頁】
身為電視電影《我們的開學禮》和劇集《我們的畢業禮》總監製的馬浚偉,他透露電視電影有兩集,每集播映一小時,並將於2月播出,至於劇集則有20集,暫定在暑假或開學時候推出,馬浚偉表示今次與劉心悠主演,他說:「喺劇同電影入面,我同劉心悠一齊飾演大學教授,仲會有好多唔同藝人幫忙,我會起用好多新人,有啲係真正大學生同無綫藝訓班嘅學生,都會畀機會佢哋發揮。」問到會否邀請炎明熹、姚焯菲演出?馬浚偉表示:「佢哋已經上咗我個音樂節目,佢哋放咗學都可以嚟客串我個劇,預計3月拍攝,暑假播出。」他稱雖然自己不是無綫藝人,但也要向無綫申報。至於他在劇中與心悠有沒有感情線?他笑說:「我搵得佢就當然有啦,上次同佢拍《深宮計》就冇感情線,我已經4年冇拍劇。」會否加自己與劉心悠的親密戲?馬浚偉斬釘截鐵說:「一定唔會加,因為我係總監製,唔可以有利益衝突,同埋我哋嘅校園劇好乾淨,以學生利益行先。」劉心悠透露日內就會開工進行拍攝的工作。
藝員訓練班│馬浚偉首任校長著重學員操守品德 「尊重行業 唔好以為自己係明星」【下一頁】
對於演藝界的新一代,Irene坦言很喜歡姜濤,她說:「我覺得佢唱歌好好聽,好Sweet,有機會嘅話,我都想同佢合作。」而華哥則表示欣賞炎明熹和姚焯菲,更主動與兩位後輩合照,他大讚炎明熹:「佢內心有一種爆炸力,行出嚟好有氣勢,亦都好獨特同埋後生有活力。」炎明熹指自己在讀小學,看過華哥有份演出的《我和殭屍有個約會II》,今次是第一次見真人,大讚華哥有型、為人很風趣。
此外,談及早前有傳媒拍到女兒任晴佳與一名年輕男子現身中環,並登上華哥的七人車,華哥為女兒解釋:「其實係佢啲同學嚟嘅,嗰日佢哋一齊去買生日禮物,阿女啲同學我都識嘅,呢啲都只不過係正常社交。個女本身好有分寸,所以我都唔係好擔心,佢平時都會同我分享自己嘅事,個女好識諗,知道要先讀好書。」
採訪︰Pauline
撰文:黃曉妍
U Lifestyle App自家節目登錄《U TV》專區!
↓↓試玩、試食、試用影片任您睇↓↓
【立即體驗】